پہلے ذوقِ بُت تراشی کو ۔۔۔۔۔۔۔۔۔۔۔ نکھرنا چاھیے
پھر طوافِ شوق میں ۔۔۔۔۔ حد سے گزرنا چاھیے
کچھ حکایاتِ شبِ ہجراں ہوں اشکوں سے بیاں
اور دریائے جنوں ۔۔۔۔۔۔۔۔۔۔۔۔ دل سے گزرنا چاھیے
اپنی بکھری زلف کی تمثیل میں کہتے ہیں وہ
لو ! قیامت کی گھٹا ہے ۔۔۔۔۔۔۔ تم کو مرنا چاھیے
اُن کے گیسو کتنے عاقل ہیں ، کہ اُن کو ہے خبر
کب برسنا چاھیے ۔۔۔۔۔۔۔۔۔ اور کب بکھرنا چاھیے
ھم مقدر ہیں تو ۔۔۔ ملنا ہے بچھڑ کر کیوں ملیں
ہم محبت ہیں ۔۔۔۔۔۔۔ تو اب دل میں اترنا چاھیے
ذات ان کی کہکشاں ہے ۔۔۔۔۔۔۔۔ کائناتِ حسن کی
آئینہ ، جذبے ، یہ دل ، سب کچھ سنورنا چاھیے
آج خوشبو ہے فضا میں ، وصل کا موسم بھی ہے
چُپ رہو اکمل ۔۔۔۔ یہ جلسہ دل میں کرنا چاھیے
افضال قاسمی اکمل
کوئی تبصرے نہیں:
ایک تبصرہ شائع کریں