اُسی چہرے پہ بل کھاتے ،،، نظر کے تیر دیکھیں گے

اُسی چہرے پہ بل کھاتے ،،، نظر کے تیر دیکھیں گےاُنھیں زلفوں سے الجھیں گے ، شبِ دلگیر دیکھیں گے
ادا و ناز کے جلوے ،،،،،،، کھنک اٹّھیں گے قدموں پرزمانہ رقص دیکھے گا ،،،،،،، پہ ہم زنجیر دیکھیں گے
ہمارا وصل دمکے گا ،،،، اُنھیں پلکوں کے سائے میںاُنھیں آنکھوں میں ، اپنے خواب کی تعبیر دیکھیں گے
اُنھیں کی ضد بچھائیں گے ، اُنھیں کے ناز اوڑھیں گےوہ کیسے کر رہے ہیں ہم کو پھر تسخیر ، دیکھیں گے
ورق اندر ورق ڈھونڈیں گے ہم ،،،،، ان کے سراپا کوکتابِ حُسنِ بے خود کی ،،،،،، نئی تفسیر دیکھیں گے
شبِ وعدہ ، جُھکی نظریں صحیفوں کی طرح ہوں گیتو ہم اکمل ،،،، نزولِ شوخیِ تحریر ،،،،، دیکھیں گے
اکمل افضال قاسمی